كيف تصنع سلاحك

Quote

السلام عليكم ورحمة الله وبركاته

في بداية موضوع أحب أوضح لأعضاء المنتدي الكرام أنني لست أفضل واحد باللعبه أو أكثر الناس ذكاء ولكني فقط أحب إفادة اللاعبين لتسهيل اللعبه علي الجميع وأيضا أحب أوضح أنني لست أول لاعب يقوم بتصنيع سلاح هناك من انتهي من تصنيع أسلحه ودروع أمثال وإن شاء الله في هذا الموضوع سنتناول شرح كيفية تصنيع أسلحه ودروع قويه .

علي بركة الله نبدأ الشرح

منذ أن تم إضافة الحداده والمصهر وقد بدأت التفكير ما فائدتها وبعد الإستعانه ببعض الاصدقاء وسيتم وضع موضوع مصور أيضا غدا للمصهر بإذن الله تعالي تبين الأتي ذكره

القويسني : لازم تفهم المصهر كويس جدا لاننا هانحتاجه في تجميع أدوات الأسلحه

زائر : خلاص يا حبيبي لخص وهات من الأخر قرأت الموضوع دا قبل كدا وفهمته كويس

القويسني : حاضر يا عمونا

زائر : أشجيني يا باشا وقولي علشان عاوز أعمل سلاح جاااااااااااااامد

بسم الله الرحمن الرحيم

القويسني : طبعا حضرتك عارف اللفائف

زائر : مالها اللفائف ياسيدي عارفها

القويسني : لما يطلع لحضرتك أي لفائف كل الي عليك هاتروح النظره العامه وتسحبها فوق شخصيتك

زائر : لا والله استخدمتها قبل كدا ومحصلش حاجه هههههههههههه انت بتشتغلني

القويسني : علشان هيا استخدامها في صنع الأسلحه ملهاش أي تأثير علي المقاتل

زاشر : كدا بئا مش هاتكلم تاني معاك وهاسيبك تشرح

القويسني : ههههههههههه ودا الي انا عاوزه وجعت دماغي والناس الي بتقرأ الموضوع زهقت " صح يا رجاله " :clap:

هانبدأ كما في الصوره الأتيه نضغط علي الحداده وبعد كدا نضغط علي السهمين كما في الصوره 1

ونبدأ نتفقد الأسهم كما في الصوره 2 هتلاقي جميع اللفائف الي إنت إستخدمتها موجوده

زائر : معلش ممكن سؤال يا قويسني ايه فائدة الإختيارات دي وعلي أي أساس بنختار فهمني معلش

القويسني : حبيبي عيوني بنختار علي أساس ايه ايه ايه ايه يا قويسني ايوه بص في الصوره دي يا جميل وهاتعرف كل حاجه

اللفائف الي في الصوره دي لو جتلك متفرطش فيها ابدا ابدا لانها من أقوي اللفائف في الضرر

الصوره رقم 2 نختار من المربع الاعلي لفيفه ويفضل تكون لفيفه من السابق ذكر اسمائهم وبعد كدا نختار اسم من تحت هانجرب جميع الاسماء الموجوده في المرع الاسفل والأعلي ضررا هانستقر عليها يعني مثال في الصوره انا اختارت ماتيو لانها قويه وهافضل اجرب كل الاسماء الموجوده في السهم الاسفل يعني هاختار مع ماتيو < من الأنتصار وبعدين اروح اشوف السلاح بتاعي الضرر حقه كام وبعدين ارجع اختار من الأستنزاف وارجع اشوف الضرر اعلي ولا السابقه اعلي وبعدين من العرض وارجع للسلاح وبعدين من التعدي وارجع للسلاح وهكذا لحين الأستقرار علي الضرر الأعلي

ونيجي بعد كدا للخطوة الأهم وهي اختيار السلاح كما في الصوره 3 علي فكره مش كل الاسلحه ضرر واحد في اسلحه الضرر حقها اعلي من الاخري نصيحه جرب جميع الاسلحه والاعلي ضررا استقر عليه

بعد كدا يا جميل هايظهر سلاحك بالشكل دا كما في الصوره رقم 4 لاحظ مستوي السلاح كام هتلاقيه 128 دا كمان لو كان السلاح اخضر اما بئا لو كان طلع ازرق او بنفسجي او برتقالي طبعا الضرر هايزيد

وبعدين نختار بدأ عملية الصنع بالياقوت أو بالذهب انا عن نفسي اختارت ذهب طيب بتفرق الياقوت من الذهب طبعا بتفرق في نسبة نجاح السلاح كما في الصوره رقم 5

ونيجي للصوره المهمه وهي مواصفات سلاحك كما في الصوره رقم 6 وهنا انت الي بتحدد نوع سلاحك إذا كان أخضر أو أزرق أو بنفسجي أو برتقالي ودي حسب الأدوات التي سوف تستخدمها يعني مثلا مطلوب في الادوات نحاس وحديد وخشب وانت عندك اخضر وازرق استخدم الازرق علشان سلاحك يكون ازرق وهكذا النسبه الاعلي هي الي تحدد جودة السلاح لو بصيت لسلاحي هتلاقي 24 % اخضر و 74 % ازرق يعني حاول تكون النسبه الاقوي أعلي

ملحوظه الأدوات دي بتكون في السوق وبتكسبها من البعثات والأبراج المحصنه وكمان ممكن تحصل عليها من المصهر كما سبق ذكره في اول الموضوع عن طريق صهر الأدوات البنفسجي والبرتقالي والازرق

وضع الأدوات بيكون بالطريقه دي كما في الصوره رقم 7 عن طريق سحب الأدوات من رقم 1 المخزن الخاص بط ووضعها في رقم 2 المخيم الخاص بصنع السلاح

وأسف علي الإطاله والموضوع مفتوح للنقاش أي سؤال ستجد الإجابه في أقل من 24 ساعه هنا في الموضوع

أخوكم في الله محمد

Display More