لماذا لم يبدأ حدث لبس الأزياء كما هو معهود !!!

  • السلام عليكم حتى المنتدى تقيل والدنيا فيه ملخبطة دخلت أكتب استفساري وكتابة البوست مش ظاهرة لي فعملت preview وللأسف المضووع نزل بايظ زي ما شفتم ولما جيت أعدله مش عارف والصفحة مش بتحمل .. هو فيه أيه يا جدعان ؟؟؟ =========== أنا كنت داخل أستفسر عن سبب تأخر حدث لبس الأزياء اللي مفروض إنه بيتبع حدث تجميع أي زي مباشرة وبنستفيد من توفير التدريب لما بنرمي الاراني والقرائع زي كل مرة .. الناس كلها عملت كده وفضلوا يستنوا حدث اللبس ومجاش !!!! إزاي ده حصل ؟؟؟ وهل الموضوع ده في كل السيرفرات ولا بعضها ..

  • وعليكم السلام ورحمة الله


    الأحداث تحددها الشركة وليس نحن


    والمتابعة الأحداث تابع قسم الأخبار

    27017.jpg

  • المشكله كمان بيقولو حفل خلع الازياء اللى احنا ملبسنهاش اصلا مينفعش كده ياجدعان خسرنا كتير بسسب الاستهتارده

  • ما انا عارف طبعا يا غالي ان الاحداث وكل التقنيات في اللعبة بتحددها الشركة مش حضراتكم

    ودوركم مجرد التنفيذ الإداري + التواصل ما بين اللاعبين والمبرمجين

    وعلشان كده أنا كاتب الموضوع ده لأن مفروض تتواصلوا مع الشركة وتعرفولنا منهم ليه الحدث مشتغلش على غير العادة حتى من غير ما حد يكتب موضوع اعتذار أو تبرير لأن الناس كانت مجهزة نفسها زي ما حضرتك عارف وضاع عليهم مجهود ووقت كتير لأن مفروض أن الشركة أعنلت عن موعد الحدث مسبقاً

    اللخبطة دي وحاجات كتير غيرها من بعد تطوير اللوبي الأخير تاعبنا في اللعب جدا

    دا غير التعب والإرهاق العام قبل كده .. قبل التطوير وأهم صوره في الجحيم وحضرتك كنت من أكتر الناس اللي اشتكت من كده

    بخلاف وحوش بريطانيا وانعدام أبراجها



    أتمنى آخد صورة عامة عن طريقة تفكير القائمين على اللعبة دي لأن واضح إن هي حاجة من اتنين

    يا إما مش بيوصلهم شكاوينا واقتراحاتنا المتتابعة واللي هي بسبب مشاكل اللعبة دي اللي مبهدلانا بشكل مش طبيعي .. ودا شيئ أستبعده لأنكم المنوط بيكم توصيل الكلام ده ومصلحتكم زينا في التوصيل لأنكم لاعبين زينا في الأصل فضلاً عن معرفتنا بيكم

    وإما بيوصلهم ومديينا الطناش والإهمال بشكل متعمد ربما للاستخفاف بينا أو بقلة عددنا اللي هما أصلاً السبب فيه بعد الاعتزالات اللي بالجملة السابقة والمستمرة وربما لأنهم مشغولين في ألعاب تانية تنتجها الشركة ومربحة لها أكتر من جلادياتوس

    وفي الحالة دي يبقى نريح دماغنا ويعتزل منا الحريص على عمره وكرامته أو يستكين ويرضخ منا من أراد ذلك للسادة أسياد اللعبة في الشركة العجيبة دي


    آسف للإطالة

    بس فعلاً الناس دي زودتها ع الآخر والملل وصل لدرجته القصوى واللوبي أظهر لي في صفحة الدخول حجم الللاعبين في كل سيرفر بما يوحي استمرار عمليات الاعتزال تحت مرئي ومسمع من المبرمجين واستمرار إهمالهم المتعمد .

  • اعزائي اللاعبين،


    واجهنا للأسف بعض المشاكل اثناء تفعيل الحدث. نقوم حاليًا بتقييم ما حدث ومحاولة حل المشكلة.


    سنبلغكم بكل جديد فور توفره.

  • سلام عليكم


    على حسب ماسمعت من اخبار ان حدث نهر نيل سوف يكون يوم لأثنين 19 ومهرجان زي يكون يوم الثلاثاء 20